Array ( ) روح القصيد
حمل تطبيقنا الآن من قوقل بلاي سياسة الخصوصية

روح القصيد

شعر حزين وألم وعتاب

شعر صداقة مدح رجوله كفو والرديء شعر حزين وألم وعتاب شعر فراق جروح خيانة شعر اسلامي- الجمعة -دعاء اشعار بدويه متنوعه شعر صباح ومساء شعر كبرياء وعزة نفس اشعار عيد الفطر والاضحى ومناسبات ملاحظات هاامه والدردشه قصائد شعراء العرب والخليج صور بدويه رمزيه متنوعه شعر عن الأم والأب شعر رومنسي شوق حب غزل حالات وتساب جديده حالات وتساب ستوري24 ساعه

وين انت ؟ شوقي بالمعاليق احتما تعال .. لدروب المواصل ودّني . الوصل مثل الشوف .. والفرقا عما وانا كفيف الوصل تكفى قدّني . لاتسرف بفرقاي ياعذب اللما البعد والهجران منك يهدّني . ارو الخفوق اللي تولاه الظما رد بوصالك شوف عين .. و ردّني

لا تذمّر من حياتك ولا تشكي قهر انت بالدنيا والإنسان فيها مـبتلا من هو اللي ما بقلبه هموم ولا كدر ؟ غير مجنونٍ يلاعب خياله بالخـلا

خـذيت قـسمي مـن غرابيل الأيام وأخذت من بعض المخاليق عبره وعرفت بـ أنك حلم من ضمن الأحلام تـزورنـي بـاللـيل وتغيب بـكره

ياعين مالك في طويل السهر علم ولا خطر من ايام وأشهر ببالي دام الجفا عقب الوفا يعتبر ظلم وش ردّك الليلة لماضي الليالي

مافيه داعي ..عشان تروح تهجرني ، تفتح ملفات ؛زلاتي و غلطاتي !ㅤ لا تتهمني ..و تقول ؛ الوقت غيّرني اللي يبيني ؟ يبيني بكل حالاتي #تطبيق_روح_القصيد

الهموم اللي على قلبي توالت طولت مايسر المولى فرجها كل ما قلت استوت حطت وشالت يامعين الصابرين اعدل عوجها

المحبه و الليال البيض ، كيـف انساها !؟ صارت اشياء تعتبر من " ماضيات ايامي " . عشرتك - محبتك - و طيوفك - و ذكراها (( وين مالديت وجهي .. تعترض قدامي ))

عليك المشاعر قوتها لهفه ورضوان اخذ راحتك فـ اللي تسويه انا المخطي ٰ محبتك ما تنسى مع الصدّ والهجران انا لو بغيت انسى الغلا والله ان ابطي

هنا بيت لا هوجَست أقوله بدون شعور من الخافق إللي يجري الشوق في دمّه أنا والله المقهور يا قاهر " المقهور " ما هو بالحوار إللي يبي ينطلق لـ أمه :)

خذني على قد المحبه يا حبيب وقلي ترى معاد لك عندي محل ولا فعاملني معاملة... الغريب اللي ليا ضاقت به الديره رحل .

انا ماعندي فيك اول وذا اللحين تبي تحب حب تبي تكره اكره نياتك الشينه وتفكيرك الشين خلتني أخذ عن روابعك فكره

انت لا تتهمني بـ شيء .. و انا بـري من يشكك بحبي لك كذب و افترى ٰ وين بتروح من ربي يا كسر ظهري يا حيـاة الشقى .. ولا حيـاة الزرى ٰ احسب اني على حقي قوي و جري لين شفتك تعامى وانت عينك ترى ٰ كيف قساك وقتك وانت عظمك طري ويش صار بغيابي .. كيف يا هل تـرى .

مدخلك بالله لاتفتح بابٍ مسكر مثل مالارض متحملتك تحملني انا من الحزن مثل اللي معه سكر لاجاني الجرح يبطي مابرا مني :(

اغنّي مع المجنون وأمزح مع المزّاح واجيب الدرر من غبة البحر بالراحه تردد وأنا أردد متى خاطري ينساح مقادير .. وصدور المجاريح نواحه.

وين الذي وان ضاقت الارض رحبها وين الذي وان طال كل لزوم وين الذي شوفي محيّا وجيههم يشفي عن العله و طرد هموم وين الذي لا ضاعت ارياي وادبرت في رايهم للحق مشيي يوم وين الذي وان غاب للنوم مده نديمهم ما قيل له محروم وين الذي ما عنهم الطير خبر راحو وباقي للعلوم علوم

بيني وبينك تشرق الشمس وتغيب ولو يفرق التوقيت ما يفرق غلاك ولو غنت الفرقا على لحن النصيب ماسارت اقدامي على سكة جفاك

‏أفرطتُ في عَتبي ، فَ مـلَّ عتابـي و سكتُّ كي يرضى ، فزادَ عذابي! و هجرتهُ كـي أستريحَ مـن العنا فَ وجدتـهُ في غربتي و غيابـي

لكنني .. واللهُ يَعلَمُ حالنا رغمَ ابتعادكَ كنتُ وحدي أتبعُكْ لو عدتَ حالاً قد رضيتُ فما الذي باللهِ في قلبي لأجلكَ شفّعَكْ؟ خُذْ مِبْضعاً وخُذِ الفؤادَ وما بهِ سترى امتناني إذْ أُقَبّل مِبضعَكْ! لستُ الذي لكَ قد تَظِنّ مدامعي حتى ولو ظنّتْ بذلكَ أدمعكْ ..

‏إنْ مِتُّ يوماً في هواكَ فلا تَسَلْ فالنحلُ آثرَ أنْ يموتَ مِع العسلْ والقلْبُ أضْنَاهُ الحنِينُ بداخلي يَرْنُو إلى لُقياكَ يمنعُهُ الخجلْ فأراك تقسو يَا حبيبُ ولا تَعِي ومن القطِيعَةِ والقساوةِ مَاقتلْ أهواكِ والحب العفِيفُ يصونُنِي مِنْ فَرطِ أَشواقِي يُجَنِّبني الزَّلَلْ

اجمعيني مع شتات الذكريات وانثريني قد مأنتي تقدرين ماني اول من تشتت في الحياة ولاأني اخر من سكن جوف الانين مابقى عقب انتحار الامنيات وانهزام الشوق في ارض الحنين #تطبيق_روح_القصيد

ياليل سجلني خويك على طول ضمن السهارى اللي تعاني من الهم أداعبك ياليل بالعرض والطول حتى لو اني شارب المر والسم #تطبيق_روح_القصيد

‏بين المواجع والشقـــا متـعنّي خليتني والحزن يـــفلج زوري اما تعال وخذ شــــعوري مني ولا تعال وخذني من شعــوري #تطبيق_روح_القصيد

ودي بشوفك لكن الحظ عيـا والوقت قاسي ماقدرت استغله مدري متى فرصه ثمينـه تهيـا عز الله اني باذل الجهـد كلـه ان جيتني يامرحبا والف حيـا تزيل من قلب العناء كل علـه تسكن معي في بيت فوق الثريا انته وانا يانـور عينـي نحلـه #تطبيق_روح_القصيد

ترا الحضن وقت الزعل يمدحونه ‏يثلج اصدير صويحبك لاتضايق ‏ ‏والا العتب كثـره يـزود جنـونه ‏ويضيق لونـه مـن العـام رايـق #تطبيق_روح_القصيد